العبره اللـي لهـا يوميـن تخنقنـي
خذيت منها على مر الزمـن عبـره
افرح ليا باان واحزن لاسـلا عنـي
إلين ماصرت في دور الهوى خبـره
تامرني انساك بنسى ويش يمنعني !
لكن ليااجيت في بالي وش الدبـره؟
خذيتنـي سالـي ودالـه ومتهـنـي
ورميتني شاعر(ن) ساهر على حبره
الله حسيبك على الضيقـه معودنـي
ياكاسر الخاطر اللي شوفتك جبـره
تطلب وانفذ وابي قربـك وتجهلنـي
كني طلبتك تحفـر البيـر بالأبـره!
تقول : ياامكرم القيفـاان تخدعنـي
واقول : بعدك كفنه وغيرتـه قبـره
طيفك على صدك وبعدك مصبرنـي
لو كاان طيفك يشيل القلب من صبره
امهلتني للزمـن والوقـت مهملنـي
يااحر كبدي على حااجـاات منثبـره
واللي سرق بالي وحيره واشغلنـي
طاريك لامـر وش دخلـه بالنبـره
موج الغلا يم سيف الشوق يدفعنـي
ياقرد حظي معـى شفـي وياغبـره
اليا طلبته يقـول اسـف وفارقنـي
اللي معى ماايعـل النفـس يااكبـره
ولاانت ياحزبة الضامـي معذبنـي
متى نصادف طريق(ن) نلتقي عبره؟
ابتصل فيك لاا ! ماانيـب متعنـي !
اخااف لاقلت ( ألوو ) تخنقني العبره
للشاعر : عبدالعزيز السبيل
الرئيسية 
أحدث الصور 
التسجيل 
الثلاثاء سبتمبر 09, 2008 1:22 pm
