قم يا قصيدي فجـع النـاس ببكـاك
وانثر معي دمع الوفا مـات مغليـك
قم يا يتيم الصـدق خانتـك دنيـاك
شق الصدر واصرخ على فقد واليـك
المخلص اللي قالك هنـاك و هنـاك
ولا وصلك ولا نشـد عـن مرافيـك
اقفي قبل تـدري وهـو كنـه إيـاك
بالصدق والدمعه وخطـورة مباديـك
اللي سمابك يـا قصيـدي للافـلاك
فوق النجـوم وصـار كـل يغنيـك
مات الحنون اللي بالاسحـار ناجـاك
بادفـا حديـث وسامرنـه قوافيـك
مات المحب اللي رضى فيك وارضاك
مسكين من لك بعـد فقـده يواسيـك
مات الوفا شمس الضحى من مثل ذاك
قاسمك ساعات العمر واكتفـى فيـك
مات الرفيق اللي صدق لـك وخـلاك
لليـل والحسـره ووحشـة موانيـك
مات الغريب اللي على نفس مبـداك
يمشي وفي قلبـه ملامـح معانيـك
مات النهار اللي من أيامـه اهـداك
نور وسلام وكـان بالدمـع يسقيـك
مات السلام اللي على الـروح بـداك
الصادق اللي كان للصـدق يرويـك
مات العطوف اللي فهم سـر معنـاك
وصادق معاناتـك وعانـق تجليـك
مات الرحوم اللـي تعـذب لشكـواك
وهو غريـب عنـك وادرك معًنيـك
مات الكبير اللي على غيرك أغـلاك
ودموع عينـه كـل ليلـه تناجيـك
يا كبر خسرانك ويـا عظـم بلـواك
على فقيدك مـن يصدقـه يراعيـك
مات وتبي تبقى على الطول بشفـاك
ذكراه وبـدر بـك توقـف وتبكيـك
اللي كلامـه عنـك عنًـاك وأغًنـاك
عن كل مدح عقـب فرقـاه يغريـك
والله لو حاولـت مـا طـال معنـاك
أدنى شعوري يا قصيـدي لشاريـك
وولله لـو دمعـي كسانـي وغطـاك
أنـه قليـل بحـق غيبـة مغنـيـك
أرفع معي كف الضراعـه لمـولاااك
الخالق المعبـود عـلااام مـا فيـك
أنه يعينك في مصاابـك ومـا جـاك
ويشمل بواااسع رحمته روح مغليـك
الرئيسية 
أحدث الصور 
التسجيل 
الجمعة سبتمبر 19, 2008 11:52 am
