--------------------------------------------------------------------------------
يازين لا تبطي ترى فيـه موضـوع
ان كـان نفذتـه تراهـا مصيـبـه
يا سيدي قلبي على الوصل مدفـوع
وتصرفاتـك يـا حبيـبـي غريـبـه
البعد والفرقا يلـوع الحشـى لـوع
نصيب قلبـي منـك يازيـن خيبـه
يازين لا تزعل ترى القلـب مفجـوع
وزعلك يـا سيـد المـلا وش يجيبـه
جسمي من الفرقا غدى جلد وضلوع
والقلـب منـي زايـدٍ فـي نحيبـه
الشاهد الله عنـك مايصبـر اسبـوع
مريـض وعلاجـه مواصـل طبيـبـه
على الفراق امساهر الليـل بدمـوع
وجروح قلبي مـن فراقـك عطيبـه
كله يجوز إلا الزعـل منـك ممنـوع
القلب مالـه غيـر شوفـت حبيبـه
كن الحشى من داخل الجوف منزوع
مـن قـادم الايـام بالقلـب ريبـه
ماللزعل داعي مدامي على الطـوع
ارجي وصال اللـي عسانـي نصيبـه
الرئيسية 
أحدث الصور 
التسجيل 
الجمعة أكتوبر 10, 2008 1:41 am
